अवतरणका क्रममा सय व्यक्ति सवार विमान दुर्घटना

एजेन्सी- एसियाली मुलुक कजाकस्तानमा करिब एक सय यात्रु बोकेको विमान दुर्घटना भएको छ ।

अल्माटी विमानस्थलमा टेक अफ् गर्ने क्रममा बेक एअरलाइनको हवाई जहाज दुई तले भवनमा ठोक्किएर दुर्घटना भएको हो ।

राजधानी नुरसुल्तानका लागि उडेको जहाजमा ९५ यात्रु र पाँच चालक दलका सदस्य थिए। दुर्घटनामा परी ९ जनाको मृत्यु भएको पुष्टि भएको छ भने जीवितहरूको उद्धार प्रयास जारी रहेको छ।

अहिले घटनास्थलमा आपतकालीन सेवा सञ्चालन गरिएको छ । दुर्घटनाग्रस्त विमान कजाकस्तानको ठूलो शहर अल्माटीबाट राजधानी नुरसुल्तान जाने क्रममा थियो ।

बेक एअर सन् १९९९ मा स्थापना भएकाे हवाइसेवा प्रदायक कम्पनी हाे। जसले सुरुमा भीआईपी उडान मात्रै गर्थ्यो। अहिले भने यसले आफू कजाकस्तानकै सस्ताे हवाइ सेवा दिने कम्पनी भएकाे दाबी गर्छ।

कजाकस्तानकाे अलमाटीमा यसअघि सन् २०१३ काे जनवरीमा पनि विमान दुर्घटना भएको थियो।