दस खेलाडीमा सिमित एनआरटीको दोस्रो जित

सहिद स्मारक 'ए' डिभिजन लिग फुटबलमा न्युरोड टिम एनआरटीले दोस्रो जित निकालेको छ। बुधबार भएको खेलमा च्यासल युथ क्लबलाई २-१ ले पराजित गर्दै एनआरटीले दोस्रो जित निकालेको हो।

नेपाल समय | बुधबार, पुस ९, २०७६

नेपाल समय

बुधबार, पुस ९, २०७६

काठमाडौं - सहिद स्मारक 'ए' डिभिजन लिग फुटबलमा न्युरोड टिम एनआरटीले दोस्रो जित निकालेको छ। बुधबार भएको खेलमा च्यासल युथ क्लबलाई २-१ ले पराजित गर्दै एनआरटीले दोस्रो जित निकालेको हो।

त्रिपुरेश्वरस्थित दशरथ रंगशालामा सम्पन्न खेलमा एनआरटीलाई जित दिलाउन जुनियर निकेनगुए र दर्शन गुरुङले एक/एक गोल गरे। च्यासलका अमिर श्रेष्ठले एक गोल फर्काए। खेलको ७२ औं मिनेटमा एनआरटी १० खेलाडीमा सिमित भएको थियो। जोर्डनले दोहोरो पहेँलो कार्ड पाउँदै मैदान छोडेका थिए।

एनआरटीले ३ खेलबाट ४ अंक जोडेको छ। च्यासलले पनि ३ खेलमा ४ अंक जोडेको छ।

प्रकाशित: Dec 25, 2019| 13:05 बुधबार, पुस ९, २०७६