मध्यरातमा दिल्लीमा भीषण आगलागीः ९ जनाको मृत्यु

भारतको राजधानी दिल्लीमा एक कपडा गोदाममा आगलागी हुँदा तीन बालबालिकासहित ९ जनाको मृत्यु भएको छ ।

नेपाल समय | सोमबार, पुस ७, २०७६

नेपाल समय

सोमबार, पुस ७, २०७६

मध्यरातमा दिल्लीमा भीषण आगलागीः ९ जनाको मृत्यु

नयाँ दिल्ली- भारतको राजधानी दिल्लीमा एक कपडा गोदाममा आगलागी हुँदा तीन बालबालिकासहित ९ जनाको मृत्यु भएको छ ।

दिल्लीको उत्तरपश्चिममा रहेको किराडी क्षेत्रको गोदाममा भएको आगलागीमा परेर अन्य तीनजना गम्भीर घाइते भएका छन् ।

आगो राति करिब साढे १२ बजे लागेको थियो । गोदाम रहेको भवनको दोस्रो तल्लामा सिलिन्डर विस्फोट भएपछि आगो लागेको स्थानीयलाई उदृत गर्दै प्रहरीले जनाएको छ । आगलागीको समय मानिसहरु गोदाममा सुतिरहेका थिए ।

एउटा सानो गल्लीभित्र गोदाम भएका कारण अग्निनियन्त्रकहरुलाई आगलागी नियन्त्रण गर्न समस्या भएको भारतीय सञ्चार माध्यमहरुले जनाएका छन् ।

दिल्लीको अग्निनियन्त्रक विभागका अनुसार आगो निभाउन आठवटा दमकल प्रयोग गरिएको थियो । सोमबार बिहान करिब ३ बजेर ५० मिनेट जाँदा आगो नियन्त्रण आएको थियो ।