नागरिकता कानुनविरुद्धको प्रदर्शनमा २३ को मृत्यु, धेरैजसो भाजपा शासित राज्यका

नेपाल समय | आइतबार, पुस ६, २०७६

नेपाल समय

आइतबार, पुस ६, २०७६

नागरिकता कानुनविरुद्धको प्रदर्शनमा २३ को मृत्यु, धेरैजसो भाजपा शासित राज्यका

नयाँ दिल्ली– नागरिकता कानुनमा भएको संशोधनविरुद्ध भारतमा आन्दोलन जारी छ । प्रदर्शन हिंसात्मक बन्दै जाँदा अहिलेसम्म २३ जनाको ज्यान गइसकेको छ ।

अलजजिराका अनुसार सबैभन्दा बढी उत्तर प्रदेशमा १५ जना प्रदर्शनकारी मारिएका छन्।

प्रधानमन्त्री नरेन्द्र मोदी नेतृत्वको सरकारले मुस्लिमविरुद्ध नागरिकता संशोधन कानुन ल्याएको भन्दै भारतमा प्रदर्शन भइरहेको हो । केही राज्यहरुमा इन्टरनेट र टेलिफोनको लाइन काटिएको छ।

अन्तर्राष्ट्रिय सञ्चार माध्यमहरुका अनुसार सत्तारुढ भारतीय जनता पार्टी (भाजपा) नेतृत्वको सरकार रहेका प्रदेशहरुमा अधिक प्रदर्शनकारी मारिएका छन्।

यसैबीच, आइतबार प्रधानमन्त्री नरेन्द्र मोदी प्रदर्शनविरुद्धको र्‍यालीमा सहभागी भएका छन् । दिल्लीको रामलिला मैदानमा भएको र्‍यालीमा मोदी सहभागी भएका हुन् ।