जेलभित्रै कैदीबीच झडप, कम्तीमा १८ जनाको मृत्यु

प्रहरीका अनुसार कैदीहरूको दुई समूहबीच भएको झडपमा कम्तीमा १८ जनाको मृत्यु भएको छ । उक्त घटनामा कम्तीमा १६ जना अन्य घाइते भएका छन् ।

नेपाल समय | आइतबार, पुस ६, २०७६

नेपाल समय

आइतबार, पुस ६, २०७६

जेलभित्रै कैदीबीच झडप, कम्तीमा १८ जनाको मृत्यु

होन्डुरस– होन्डुरसमा कैदीहरूको दुई समूहबीच भएको झडपमा कम्तीमा १८ जनाको मृत्यु भएको प्रहरीले जनाएको छ । उक्त घटनामा कम्तीमा १६ जना अन्य घाइते भएका छन् ।

घाइतेहरूलाई तेला सहरस्थित विभिन्न अस्पतालमा उपचार भैरहेको सरकारी अधिकारीले बताएका छन् ।

स्थानीय समयअनुसार शुक्रबार साँझ बन्दगाह सहर तेलामा झडप भएको थियो । झडपमा १७ को जेलभित्र घटनास्थलमा नै मृत्यु भएको र एक अन्यको उपचारका क्रममा मृत्यु भएको थियो ।

घटनालाई स्थानीय सञ्चारमाध्यमहरूले फरक फरक समूहका कैदीबीच भएको विवादका कारण भएको हिंसात्मक घटना बताएका छन् ।

घटनास्थल अहिले प्रहरीको नियन्त्रणमा छ । थप सम्भावित आक्रमण हुन नदिन सावधानी अपनाइएको होन्डुरस प्रहरीले जनाएको छ । रासस/एएफपी