इपिएलमा आज सात खेल

काठमाडौं - इङ्लिस प्रिमियर लिग(इपिएल)मा आज (शनिबार) सात खेल हुने भएका छन्। आठ खेल तय भएपनि लिभरपुल र वेष्ट ह्याम बीचको खेल स्थगित भएको छ। लिभरपुलले फिफा क्लब वर्ड कप अन्तर्गत फ्लामेन्गोसँग आज खेल्ने भएकोले उसको खेल स्थगित गरिएको हो।

इपिएल अन्तर्गत आज राति नेपाली समयअनुसार सवा ११ बजे हुने खेलमा दोस्रो स्थानमा रहेको लेस्टर सिटी र म्यान्चेस्टर सिटी भिड्दैछन्। लेस्टर पछिल्ला चार खेलमा अपराजित रहेकोले पनि आजको खेलमा उ उच्च मनोबलका साथ म्यान्चेस्टर सिटीसँग प्रतिष्पर्धामा उत्रनेछ। लेस्टरको ३९ अंक छ भने म्यानचेस्टर सिटीको ३५ अंक रहेको छ।

यस्तै आजै हुने अन्य खेलमा एभर्टन र आर्सनलको खेल सवा ६ बजे हुनेछ भने वर्नमथ र वर्नले, एस्टन भिल्ला र साउथएम्पटन, व्रिगटन एण्ड होभ एल्विअन र सेफिल्ड युनाइटेड, न्यूक्यासल युनाइटेड र क्रिस्टल प्यालेस, नर्विच सिटी र उलभरएम्पटन वन्डरर्स बीचका खेल भने पौने ९ बजे देखि सुरु हुनेछन्।

लिगमा १७ खेल सकिँदासम्म एकमात्र अपराजित टोली लिभरपुल ४९ अंकसहित शिर्ष स्थानमा रहेको छ। लिभरपुलले १६ खेलमा जित निकालेको छ भने एक खेल बराबरीमा टुङ्ग्याएको छ।