प्रभु बैंक र जावलाखेल युवा क्लबबीच मुख्य प्रायोजक सम्झौता

नेपाल समय | सोमबार, मंसिर ३०, २०७६

नेपाल समय

सोमबार, मंसिर ३०, २०७६

प्रभु बैंक र जावलाखेल युवा क्लबबीच मुख्य प्रायोजक सम्झौता

काठमाडौं– प्रभु बैंक लि. र जावलाखेल युवा क्लबबीच प्रभु बैंकले जावलाखेल युवा क्लबको मुख्य प्रायोजक हुने सम्बन्धी सम्झौतामा हस्ताक्षर भएको छ । सम्झौतामा प्रभु बैंकको तर्फबाट प्रमुख कार्यकारी अधिकृत अशोक शेरचन र जावलाखेल युवा क्लबका तर्फबाट अध्यक्ष महेन्द्र क्षेत्रीले हस्ताक्षर गरे ।
जावलाखेल युवा क्लबसँगको सम्झौतापश्चात् जावलाखेल युवा क्लबको मुख्य प्रायोजक प्रभु बैंक रहनेछ । बैंकले आफ्नाे सामाजिक उत्तरदायित्व अन्तर्गत जावलाखेल युवा क्लबलाई दुई किस्ता गरी रु. २५ लाख उपलब्ध गराउनेछ । सो बापत जावलाखेल युवा क्लबको आधिकारिक बैंकका रुपमा प्रभु बैंक रहनेछ ।
जावलाखेल युवा क्लबले भाग लिने सम्पूर्ण खेलकुद सम्बन्धी प्रतियोगिताहरुमा प्रभु बैंक जावलाखेल युवा क्लबको नामले सहभागिता जनाउनेछ । जावलाखेल युवा क्लबको खेलकुद मैदानमा प्रभु बैंकको ब्यानर, होर्डिङ बोर्ड, डिस्प्ले बोर्ड लगाई प्रभु बैंकले उपलब्ध गराएको विज्ञापन सामाग्रीहरु प्रचार प्रसार गर्नेछ ।

प्रकाशित: Dec 16, 2019| 06:02 सोमबार, मंसिर ३०, २०७६