मतदानस्थलमा उम्मेदवारले बन्दुक देखाएपछि...

राँची (भारत)– नेपालमा उपचुनाव चलिरहँदा छिमेकी भारतको झारखण्ड राज्यमा पनि विधानसभाको पहिलो चरणको मतदान भइरहेको छ । झारखण्डको माओवादी प्रभावित क्षेत्रमा पहिलो चरणको मतदान शनिबार (आज) भइरहेको हो । माओवादी त्रासका कारण त्यहाँ दिउँसो ३ बजेसम्म मात्र मतदानको समय तोकिएको छ।

यसैबीच मतदान भइरहँदा भारतीय कंग्रेसका एक उम्मेदवारले मतदान स्थलमै बन्दुक निकालेर देखाएका छन् । झारखण्डको डाल्टनगन्ज निर्वाचन क्षेत्रमा कांग्रेसका उम्मेदवार एन त्रिपाठीले प्रिस्टन बन्दुक झिकेर मतदाताहरुलाई देखाएका हुन्।

त्यसपछि मतदाताले त्रिपाठीका विरुद्ध नारावाजी गर्दै ढुंगामुढा गरेका हानेका थिए। उम्मेदवार त्रिपाठीले आफूले आत्मरक्षाका लागि बन्दुक झिकेको दाबी गरेका छन्।

यसैक्रममा विभिन्न स्थानमा माओवादीहरुले आक्रमण गरेको भारतीय सञ्चारमाध्यमले जनाएका छन् । झारखण्डमा विधानसभाको पहिलो चरणको निर्वाचनमा ६ वटा जिल्लाका १३ वटा निर्वाचन क्षेत्रमा मतदान हुँदैछ।