कर्णालीमा तीन जना सांसदले रोजे एकीकृत समाजवादी

सुर्खेत– कर्णाली प्रदेशसभाका एमालेका तीन जना सांसदहरुले नेकपा एकीकृत समाजवादी पार्टी रोजेका छन् । सांसदहरु देवी वली, चन्द्रबहादुर शाही र पदमबहादुर रोकायाले एकीकृत समाजवादी रोजेका हुन् । 

वली समानुपातिक सांसद हुन् भने शाही मुगु र रोकाया जुम्लाबाट प्रत्येक्ष निर्वाचित सांसद हुन् । शाही मुगुमा एमालेका संस्थापक नेता हुन् । बैशाख ३ गते कर्णालीका मुख्यमन्त्री महेन्द्रबहादुर शाहीको पक्षमा मतदान गरेकी वलीले अन्तिम समयमा झुक्कीएको भन्दै मत सच्चाएकी थिइन् ।

तीनै जना सांसदले बुधबार प्रदेश निर्वाचन कार्यालय सुर्खेतमा पुगेर नेकपा एकीकृत समाववादीका पक्षमा सनाखत गरेको नेकपा एकीकृत समाजवादी सुर्खेतका अध्यक्ष मोहनसिंह बडुवालले जानकारी दिए । योसँगै प्रदेशसभामा सभामुख ९राजबहादुर शाही० सहित एमालेका सांसदको संख्या १३ मा झरेको छ ।

२० सांसदमध्ये प्रकाश ज्वाला, अम्मरबहादुर थापा, कुर्मराज शाही र नन्दसिंह बुढाको पद गुमीसकेको छ । उनीहरुले बैशाख ३ गते फ्लोरक्रस गरेर मुख्यमन्त्री महेन्द्रबहादुर शाहीलाई विश्वासको मत दिएपछि एमालेले कारबाही गरेपछि सांसद पद गुमेको हो ।