महान्यायधिवक्ताले लगाए इजरायलका प्रधानमन्त्रीमाथि भ्रष्टाचारको अभियोग

नेपाल समय | शुक्रबार, मंसिर ६, २०७६

नेपाल समय

शुक्रबार, मंसिर ६, २०७६

महान्यायधिवक्ताले लगाए इजरायलका प्रधानमन्त्रीमाथि भ्रष्टाचारको अभियोग

इजरायलका प्रधानमन्त्री बेन्जामिन नेतान्याहुमाथि भ्रष्टाचार अभियोग लागेको छ । उनलाई त्यहाँको अदालतका महान्यायाधिवक्ताले अभियोग लगाएका हुन् ।

धनाढ्य व्यापारीहरुसँग उपहार लिएको अभियोग नेतान्याहुमाथि छ । उनीमाथि घूस लिएको, ढाँटछल गरेको र विश्वासघात गरेको तीनवटा अभियोग लगाइएको छ ।

भ्रष्टाचारको अभियोग लागे पनि नेतान्याहुले पदबाट राजीनामा दिन भने अस्वीकार गरेका छन् । उनले आफूमाथि गम्भीर षड्यन्त्र भएको आरोप लगाउँदै आफू पद त्याग गर्न बाध्य नभएको जिकिर गरेका छन् । आफूलाई पदबाट हटाउन विपक्षी र मिडियाले फसाएको उनको तर्क छ ।

इजरायलमा केही समयदेखि राजनीतिक गतिरोधको अवस्था छ । इजरायलका विपक्षी नेता बेनी ग्यान्जले नेतान्याहुले बहुमत संसदलाई नेतृत्व दिन नसकेको आरोप लगाएका छन् ।

बीबीसी