प्रदूषित सहर दिल्लीमा अक्सिजन बार, ३०० भारुमा शुद्ध अक्सिजन

नयाँ दिल्ली– विश्वकै सबैभन्दा प्रदूषित सहर मानिएको भारतको राजधानी नयाँ दिल्लीमा अक्सिजन बार खुलेको छ । यो बारले १५ मिनेटसम्मका लागि ग्राहकलाई सफा हावा प्रदान गर्छ । अक्सी प्योर नामक सो बारमा ३०० भारुमा ८० देखि ९० प्रतिशत शुद्ध अक्सिजन ग्यास पाइने बताइएको छ ।

सहरको दक्षिणतर्फ रहेको एक मलमा अवस्थित सो बारमा ग्राहकहरुलाई ‘नोज ट्युब’ लगाउन दिइन्छ र त्यसपछि बास्नादार तेलमार्फत् अक्सिजनको बबल उत्पादन गरी सास फेर्न सकिन्छ । सो बारले प्रतिदिन ३० देखि ४० ग्राहकलाई सेवा दिने गरेको बताइएको छ । सो बारले सहरको धुलोधुवाँबाट वाक्क भएका ग्राहकलाई ताजा हावाको अनुभूति दिलाउन बोतलमा पनि शुद्ध अक्सिजन बिक्री गर्ने गरेको विक्री समेत गर्ने गरेको छ ।

केही समय अघि दिल्लीको प्रदूषणले सीमा नाघेपछि सरकारी निकायहरुले आपतकाल घोषण गर्दै विद्यालय बन्द गर्न निर्देशन दिएका थिए ।

एजेन्सी