उद्योगी रुप ज्योति रिहा

काठमाडौं - ठगी मुद्दामा पक्राउ परेका उद्योगी रुप ज्योति हाजिर जमानीमा रिहा भएका छन् । उनी शुक्रबार महानगरीय प्रहरी वृत्त दरबारमार्गबाट रिहा भएका हुन् ।

मुद्दा दायर गर्ने व्यक्तिले जाहेरी फिर्ता लिन प्रहरीलाई पत्र दिएपछि जिल्ला सरकारी वकिल कार्यालयले ज्योतिविरुद्ध मुद्दा नचलाउने निर्णय गर्दै हाजिर जमानीमा छाड्न आदेश दिएपछि उनलाई प्रहरीले रिहा गरेको हो।

सरकारी वकिलले मुद्दा नचलाउने भएपछि उनलाई हाजिर जमानीमा छाडिदिन प्रहरीलाई पत्र लेखेको सहायक जिल्ला न्यायाधिवक्ता नुमराज खनालले जानकारी दिए।

खनालका अनुसार यससम्बन्धी अन्तिम निर्णय भने महान्यायाधिवक्ताको कार्यालयले गर्ने खनालले बताए।

‘त्यसका लागि हामीले उच्च सरकारी वकिलको कार्यालयमार्फत महान्यायाधिवक्ताको कार्यालयमा अनुरोध गरेको छौँ।’ खनालले भने, ‘मुद्दा नचल्ने भएपछि थुनामा राख्न मिल्दैन यसकारण महान्यायाधिवक्ता कार्यालयबाट निर्णय नहुञ्जेलसम्म हाजिर जमानामा छाड्न प्रहरीलाई पत्राचार गरिएको हो।’

ठगी मुद्दामा उजुरी परेपछि उद्योगी ज्योति र उनकी छोरी सुरुचीलाई प्रहरीले त्रिभुवन विमानस्थलबाट पक्राउ गरेको थियो।

रुप ज्योतिविरुद्ध मुद्दा नचलाउन प्रहरीलाई पत्र