सीमा विवादबारे राउतको अभिव्यक्ति : सिंहदरबारले सीमा रक्षा गरेको होइन

काठमाडौं- भारतले जारी गरेको नक्सापछि तरंगित बनेको नेपाल–भारत सीमा विवादका विषयमा विभिन्न राजनीतिक दलका भातृ संगठनहरुले प्रदर्शन गरिरहेका छन्।

सीमा विवादका विषयमा सरकारले सर्वदलीय बैठक गरिसकेको छ भने संघीय संसदको राज्य व्यवस्था समितिलगायतका समितिले पनि छलफल थालेको छ।

भारतसँगको सीमा विवादका विषयमा विभिन्न राजनीतिक दलका नेताहरुले प्रतिक्रिया जनाइरहँदा जनमत पार्टीका अध्यक्ष सीके राउतले सिंहदरबारले सीमा रक्षा नगरेको प्रतिक्रिया दिएका छन्।

नेपालको पूर्वी सीमा कञ्चनपुर जिल्ला पुगेर राउतले मधेशीहरुले नै सीमा रक्षा गरेको दाबी गरे।

राउतले लेखेका छन्, ‘सीमाना भूगोलको रेखांकनले मात्रै बन्दैन। जनतालाई अपनत्वको बोध हुनु अपरिहार्य नै हुन्छ। सैनिक ब्यारेक र सिंहदरबारले

सीमा रक्षा गरेका होइनन्, न त सडकमा प्लाकार्ड लिएर चुनाव अघि प्रदर्शन गर्नेहरुले।’

सीमाको रक्षा सीमानामा बस्नेहरुले गरेको दाबी गर्दै राउतले लेखेका छन्, ‘सीमाको रक्षा त त्यही सीमानामा बस्ने बासिन्दाहरूले गरेका हुन्।

त्यही दिनहुँ अपमानित, अपहेलित र शोषित हुने मधेशीहरुले गरेका हुन्। सवा करोड देव नारायण यादवहरुले गरेका हुन्।’