चिसो झरीमा जोशिलो प्रतिरोध सभा [तस्बिरहरु]

​

 झरीको परवाह नगरी बिहीबार गायक, कवि–लेखक तथा रंगकर्मीहरूको समूह ‘प्रतिरोध जनअधिकार आन्दोलन’ले प्रतिरोध सभा आयोजना गरे। माइतीघर मण्डलमा भेला भएका उनीहरुले नयाँ बानेश्वरमा पुगेर विभिन्न रचनात्मक प्रस्तुतिमार्फत विरोध गरेका थिए।

सेतो, रातो र कालो ध्वजालाई हावामा लहराउँदै थिएटर मलका कलाकारले नाट्य प्रस्तुति पनि देखाए। चिसो सडकमा अभिनय गरेका कलाकारको प्रस्तुति वर्तमान व्यवस्थामाथिको व्यंग्य थियो।  

सभामा कवि अनिता माझी, निभा शाह, विनोदविक्रम केसी र राजु स्याङ्तानले कविता बाचन गरेका थिए भने भारतीय गायक भुपिन हजारीका गीत ‘ओ गंगा तुम, ओ गंगा बहती हो क्युँ’ गीतलाई नेपालीकरण गरेर ‘ओ बागमती जान्छौ कहाँ’ लाई ‘सुसेला संगीत समूह’का गायक अञ्जान बाबु, कवि तथा पत्रकार शकुन्तला जोशी, अनिता पण्डित लगायतको टिमले सांगीतिक प्रस्तुति देखाएका थिए । 

थोत्रो तिथि फालौं, आउनुहोस् नयाँ थालौं’ महिला हिंसा विरुद्ध लडिरहेका, अब जाततन्त्रका विरुद्ध पनि लडौं लगायत नारा लेखिएका प्लेकार्ड सहित वर्तमान व्यवस्थाविरुद्ध प्रतिरोध सभा कार्यक्रम गरिएको थियो।

​

​

​

​

​

​

​

​