रुप ज्योतिका बाबुछोरीलाई थप ५ दिन थुनामा राख्न आदेश

ठगी आरोपमा पक्राउ परेका पूर्व अर्थ राज्यमन्त्री एवम् व्यापारी रुप ज्योति र उनकी छोरीलाई थप ५ दिन थुनामा राख्न अदालतले आदेश दिएको छ।

नेपाल समय | आइतबार, कात्तिक २४, २०७६

नेपाल समय

आइतबार, कात्तिक २४, २०७६

रुप ज्योतिका बाबुछोरीलाई थप ५ दिन थुनामा राख्न आदेश

काठमाडौं- ठगी आरोपमा पक्राउ परेका पूर्व अर्थ राज्यमन्त्री एवम् व्यापारी रुप ज्योति र उनकी छोरीलाई थप ५ दिन थुनामा राख्न अदालतले आदेश दिएको छ।

आइतबार जिल्ला अदालतले ज्योतिका बाबुछोरीमाथि अनुसन्धान गर्न प्रहरीलाई थप ५ दिनको म्याद दिएको हो।

ठगीको उजुरी परेपछि प्रहरीले ज्योतिलाई बिहीबार त्रिभुवन अन्तराष्ट्रिय विमास्थलबाट पक्राउ गरेको थियो। जिल्ला अदालतले यसअघि तीन दिन थुनामा राख्न म्याद दिएको थियो।

हाउजिङका नाममा एक करोड २६ लाख रूपैयाँ ठगी गरेको आरोपमा गत मंसिर २० गते जिल्ला अदालतले रूपज्योतिलगायत १० जनाविरुद्ध पक्राउपूर्जी जारी गरेको थियो।

तर, रूपज्योतिले पक्राउ पूर्जी विरुद्ध सर्वाेच्च अदालतमा मंसिर २३ गते निषेधाज्ञा रिट दायर गरेका थिए।

सर्वोच्च अदालतले रूपज्योतिले दायर गरेको निषेधाज्ञाको रिट खारेज गरिदिएको थियो।

प्रकाशित: Nov 10, 2019| 10:39 आइतबार, कात्तिक २४, २०७६