ठगी आरोप लागेका सुदूरपश्चिमका पर्यटन राज्यमन्त्रीले दिए राजीनामा

क्याम्पसको १६ करोड रूपैयाँ ठगी आरोप लागेका सुदूरपश्चिम प्रदेशका उद्योग, पर्यटन, वन तथा वातावरण राज्यमन्त्री प्रकाश रावलले पदबाट राजीनामा दिएका छन्।

नेपाल समय | आइतबार, कात्तिक २४, २०७६

नेपाल समय

आइतबार, कात्तिक २४, २०७६

ठगी आरोप लागेका सुदूरपश्चिमका पर्यटन राज्यमन्त्रीले दिए राजीनामा

काठमाडौं- क्याम्पसको १६ करोड रूपैयाँ ठगी आरोप लागेका सुदूरपश्चिम प्रदेशका उद्योग, पर्यटन, वन तथा वातावरण राज्यमन्त्री प्रकाश रावलले पदबाट राजीनामा दिएका छन्।

रावलले मुख्यमन्त्री त्रिलोचन भट्टसमक्ष राजीनामा दिएको मुख्यमन्त्रीका प्रमुख स्वकीय सचिव शिवसिंह वलीले जानकारी दिए। “ठगीको आरोपमा अदालतमा मुद्दा परेपछि नैतिकताको आधारमा उहाँले राजीनामा दिनुभएको हो,” वलीले भने।

महेन्द्रनगरको जनज्योति क्याम्पसका सेयर सदस्यसमेत रहेका रावलसहित ३६ जनाविरुद्ध जिल्ला अदालत कञ्चनपुरमा ठगी र कागजात कीर्तेको मुद्दा दर्ता छ। सम्पत्ति शुद्धीकरण अनुसन्धान विभागले रावलको सम्पत्ति छानविन गरिरहेको छ।

रावल तत्कालीन नेकपा एमालेका तर्फबाट कंचनपुर ३ (क)बाट निर्वाचित भएका हुन्। गत असोजमा उनी राज्यमन्त्रीमा नियुक्त भएका थिए।

प्रकाशित: Nov 10, 2019| 08:35 आइतबार, कात्तिक २४, २०७६