प्रधानमन्त्रीलाई तत्काल डायलाइसिस गर्नु नपर्ने

काठमाडौं- प्रधानमन्त्री केपी शर्मा ओलीको छातीमा जमेको पानी सुक्दै गएकाले तत्काल डायलाइसिस गर्नु नपर्ने भएको छ ।

स्वास्थ्यमा क्रमश सुधार देखिएकाले तत्काल डायलाइसिस गर्नुपर्ने अवस्था नरहेको चिकित्सकहरूले बताएका छन् । प्रधानमन्त्रीका निजी चिकित्सक डा दिव्या सिंहका अनुसार स्वास्थ्यमा सुधार देखिएकाले तत्काल दोस्रो डायलाइसिस गर्नुपर्ने आवश्यकता देखिएको छैन ।

लगातार डायलाइसिस गर्ने अवस्थामा प्रधानमन्त्री नपुगेको जानकारी दिदै उनले बीच–बीचमा स्वास्थ्य परीक्षण गर्ने र केही समस्या देखिए मात्रै फेरि डायलाइसिस गरिने बताइन् । अहिले भने प्रधानमन्त्रीको अवस्था सामान्य बन्दै गएको छ ।

निजी चिकित्सकहरू डा सिंह र दिलीप शर्माले सिंगापुरस्थित नेसनल युनिभर्सिटी अस्पतालका चिकित्सकहरूसँग पनि नियमित परामर्श गरिरहेको बताइएको छ । ग्रान्डी इन्टरनेसनल अस्पताल र टिचिङस्थित मनमोहन कार्डियोथोरासिक सेन्टरमा गरिएको स्वास्थ्य परीक्षणको रिपोर्टबारे पनि उनीहरूले त्यहाँका चिकित्सकसँग परामर्श गरेका छन् ।

गत साउन र भदौमा सिंगापुरको नेसनल युनिभर्सिटी अस्पतालमा प्रधानमन्त्रको प्लाज्मा फेरेसिस गरिएको थियो ।