अर्घाखाँची जिप दुर्घटना : ज्यान गुमाउने तीनजना एकै परिवारका

अर्घाखाँची जिल्लाको सन्धिखर्क नगरपालिका वडा नं. ६ दहखोलामा जिप दुर्घटना हुँदा एकै घरका तीन जनाको मृत्यु भएको छ।

नेपाल समय | बुधबार, कात्तिक २०, २०७६

नेपाल समय

बुधबार, कात्तिक २०, २०७६

अर्घाखाँची - अर्घाखाँची जिल्लाको सन्धिखर्क नगरपालिका वडा नं. ६ दहखोलामा जिप दुर्घटना हुँदा एकै घरका तीन जनाको मृत्यु भएको छ। बा १७ च ६९ १७ नम्बरको कार बुधबार दुर्घटनामा परेको हो।

मृत्यु हुनेमा पाणिनि गाउँपालिका वडा नं.८ घर भई हाल सैनामैना बस्दै आएका ८० वर्षीया दुर्गादेवी खड्का, उनका ४३ वर्षीय छोरा भक्तबहादुर खड्का र अर्का ३९ वर्षीय छोरा तिलबहादुर खड्का रहेका प्रहरी नायव उपरीक्षक प्रकाश विष्टले जानकारी दिए।

गाडी चालक गंगाबहादुर खड्का र २५ वर्षीय विनोद खड्का गम्भीर घाइते भएका छन्। उनीहरूलाई उपचारका लागि बुटवल पठाइएको प्रहरीले बताएको छ।

प्रकाशित: Nov 06, 2019| 07:39 बुधबार, कात्तिक २०, २०७६