बसको ठक्करले पूर्वसांसदको मृत्यु

बसको ठक्करले धनुषामा पूर्वसांसद रामलखन महतोको मृत्यु भएको छ। ढल्केबरबाट जनकपुरतर्फ आउँदै गरेको बसले महतोलाई ठक्कर दिएको थियो।

नेपाल समय | शुक्रबार, कात्तिक १५, २०७६

नेपाल समय

शुक्रबार, कात्तिक १५, २०७६

जनकपुरधाम – बसको ठक्करले धनुषामा पूर्वसांसद रामलखन महतोको मृत्यु भएको छ। ढल्केबरबाट जनकपुरतर्फ आउँदै गरेको बसले महतोलाई ठक्कर दिएको थियो।

साइकलमा सवार महतोलाई विपरित दिशाबाट आइरहेको ना ५ ख ८८५ नम्बरको बसले मिथिला नगरपालिका–२ स्थित विश्वकर्मा चोकमा ठक्कर दिएको थियो।

दुर्घटनामा परी गम्भीर घाइते भएका महतोलाई उपचारका लागि जनकपुरस्थित जानकी हेल्थ केयर सेन्टरमा ल्याइएपनि चिकित्सकले मृत घोषणा गरेका थिए। धनुषाको क्षिरेश्वर नगरपालिका–५ घर भएका ६० वर्षीय महतो २०५१ सालमा एमालेबाट सांसदमा निर्वाचित भएका थिए।

प्रकाशित: Nov 01, 2019| 11:45 शुक्रबार, कात्तिक १५, २०७६