एक्कासि चिसो बढ्यो, यस्तो हुनेछ आगामी तीन दिनको मौसम 

काठमाडौं- पश्चिमी वायुको प्रभावका कारण मुलुकका अधिकांश भागमा चिसो बढेको छ । 

धुम्मिएको मौसमका कारण घाम लाग्न सकेको छैन् भने मौसम आंशिकदेखि सामान्य बदलि भएकाे छ । ठाउँ ठाउँमा सामान्य वर्षा हुनसक्ने मौसमपूर्वानुमान महाशाखाले जनाएको छ ।

पश्चिमी वायुको प्रभावले आइतबार देशका पहाडी भेगका केही स्थानमा क्षणिक वर्षा हुनसक्ने मौसमविद् समिर श्रेष्ठले जानकारी दिए । 

त्यस्तै, सोमबार देशका मध्य तथा पूर्वी भू–भागमा आ‌ंशिकदेखि सामान्य बदली रही पहाडी भूभागका केही स्थानमा क्षणिक वर्षाको सम्भावना रहेको छ ।

यसैगरी, मंगलबार पनि देशभर आंशिक बदली भइरहने महाशाखाले जनाएको छ ।

चिसो बढेसँगै काठमाण्डौ उपत्यकाको न्यूनतम तापक्रम १५.५ डिग्रीमा झरेको छ । सबैभन्दा कम जुम्लाको न्यूनतम तापक्रम ६.५ डिग्री सेल्सियस छ ।

यस्तो हुने आगामी तीनको मौसम 

कार्तिक ०३ गते (आइतबार)

दिउँसो: देशभर सामान्य देखि पूर्ण बदलि रहि देशका थोरै स्थानहरुमा हल्का वर्षाको सम्भावना रहेको छ।

राती: देशभर सामान्य बदलि रहि मध्य र पुर्वका थोरै स्थानमा र पश्चिमका एक दुइ स्थानमा  हल्का वर्षाको सम्भावना रहेको छ।

कार्तिक ०४  गते (सोमबार)

दिउँसो : देशको मध्य तथा पूर्वी भू-भागमा आंशिक देखि सामान्य बदली रही पश्चिमी भुभागमा आंशिक बदली रहनेछ। मध्य र पूर्वी पहाडका १/२  स्थानमा क्षणिक वर्षाको सम्भावना रहेको छ। 

राती: देशका पहाडी भु-भागमा आंशिक देखि सामान्य बदली रही बाकी भु-भागमा आंशिक बदली रहनेछ। देशको पहाडी भू-भागका एक-दुई स्थानहरूमा क्षणिक वर्षाको सम्भावना रहेको छ। 

 कार्तिक ०५   गते (मंगलबार)

दिउँसो : देशको पहाडी भू-भागमा आंशिक देखि सामान्य बदली रही तराई  भुभागमा आंशिक बदली रहनेछ। मध्य र पूर्वी पहाडका १/२  स्थानमा क्षणिक वर्षाको सम्भावना रहेको छ। 

राती: देशको पहाडी भु-भागमा आंशिक देखि सामान्य बदली रही बाकी  भुभागमा आंशिक बदली रहनेछ। देशको  पहाडी भू-भागका एक-दुई स्थानहरूमा क्षणिक वर्षाको सम्भावना रहेको छ।