एएफसी यु–१९ च्याम्पियनसिप छनोट : ३१ खेलाडी दोस्रो चरणमा

काठमाडौं - नोभेम्वर ६ देखि इरानमा आयोजना हुने एएफसी यु–१९ च्याम्पियनसिप छनोटका लागि  दोस्रो चरणमा ३१ खेलाडी छनोट भएका छन्। नेपाली यु–१९ टोलीका मुख्य प्रशिक्षक मेघराज केसीले प्रारम्भिक चरणका ४८ खेलाडीबाट ३१ खेलाडी छनोट गरेका हुन्। उनले अब केही दिनमै अन्तिम टोलीको टुंगो लाग्ने बताए। 

दोस्रो चरणका लागि छानिएको टोलीमा गोलरक्षकमा विशाल सुनार, रोहित कार्की, सुर्य अधिकारी र पुजन होना रहेका छन्। डिफेन्डरमा बिशाल बस्नेत, रन्दिप पौडेल, पदम भट्टराई, असिम गुरुङ, एन्जल महर्जन, नवीन गुरुङ, रोशन दोङ, बिकास खवास, योगेश गुरुङ, विजय श्रेष्ठ र निराजन महर्जन रहेका छन् भने मिडफिल्डरमा दर्शन गुरुङ, शिशिर लेखी, रोशन रानामगर, रन्जन पुन, आकाश बुढाममगर, जया गुरुङ, मनिष थापा, नितिन थापा, अनिल महर्जन र दिनेश हेन्जन रहेका छन्। फरवार्डमा भने ब्रिजेश चौधरी, निरज चौधरी, मनिष डाँगी, राजीव लोप्चन, रेजिन सुब्बा र दिपेश आलेमगरलाई अघिल्लो चरणका लागि छनोट गरिएको छ।

छनोटमा नेपाल समूह ‘डी’ मा रहेको छ। नेपाल रहेको समूहमा आयोजक इरानसँगै युएईं र किर्गिस्तान रहेका छन्।