उपनिर्वाचनका लागि उम्मेदवारी दर्ता कार्तिक २१ मा

काठमाडौं- निर्वाचन आयोगले मंसिर १४ गते हुने उपचुनावको उम्मेदवारी दर्ताको मिति कात्तिक २१ गतेलाई तोकेको छ।

निर्वाचन आयोगले प्रतिनिधिसभातर्फ कास्की २ र प्रदेशसभातर्फ भोजपुर १ क, बाग्लुङ २ ख र दाङ ३ ख को उम्मेदवारी दर्ताको मिति तोकेको हो।

कात्तिक २१ गते विहान १० बजेदेखि १ बजेसम्म उम्मेदवारी दर्ता हुनेछ। 

दाबी विरोध लगायतका प्रक्रिया पुरा भएपछि २५ गते उम्मेदवारहरुलाई चुनाव चिन्ह प्रदान गरिने आयोगले जनाएको छ।

यस्तै धरान उपमहानगरपालिकाको प्रमुखसहित स्थानीय तहका ४८ रिक्त पदहरुको उम्मेदवारी दर्ता कात्तिक २७ गते गर्ने आयोगले निर्णय गरेको छ।