साफ यू- १८ को भारतलाई

काठमाडौं- काठमाडौंमा सम्पन्न तेस्रो संस्करणको साफ यू–१८ फुटबल च्याम्पियनसिपको उपाधि भारतले जितेको छ।

हल्चोकस्थित शसस्त्र प्रहरी बल (एपीएफ) को खेल मैदानमा आइतबार भएको फाइनल खेलमा बंगलादेशलाई पराजित गर्दै भारत च्याम्पियन बनेको हो।

यससँगै भारत साफ यू-१८ को नयाँ च्याम्पियन टोली बेनको छ। यसअघिका दुई संस्करण जितेको नेपाल भने जितविहीन हुँदै समूह चरणबाटै बाहिरिएको थियो।

उपाधि भिडन्तमा भारतले बंगलादेशलाई २-१ गोलले पराजित गरेको हो।

भारतलाई जित दिलाउन बिक्रम प्रताप सिंह र रबि बहादुर रानाले एक एक गोल गरे। 

बंगलादेशका एसिन अर्फातीले एक गोल फर्काए। प्रतियोगितामा माल्दिभ्स भने तेस्रो भयो। 

तेस्रो स्थानको लागि आइतबार बिहान भएको खेलमा माल्दिभ्सले भुटानलाई १–० ले पराजित गर्दै तेस्रो स्थान हात पारेको हो।