पिएसजीको जितमा नेयमार नायक

एजेन्सी- ब्राजिलियन स्टार खेलाडी नेयमार नायक बन्दा पेरिस सेन्ट जर्मेन (पिएसजी) ले फ्रेन्च लिग वान फुटबलमा जित निकालेको छ। 

शनिबार राति भएको खेलमा पिएसजीले बोर्डूअक्सलाई १–० गोल अन्तरले पराजित गरेको हो। 

पिएसजीको जितमा नेयमार नायक बने। उनके खेलको एक मात्र निर्णायक गोल गर्दै पिएसजीलाई जित दिलाए। 

बोर्डूअक्सको मैदानमा भएको खेलको पहिलो हाफ गोलरहित बराबरीमा सकिएको थियो। तर दोस्रो हाफमा नेयमारले निर्णायक गोल गर्दै पिएसजीलाई जित दिलाए। उनले खेलको ७० औं मिनेटमा निर्णायक गोल गरेका थिए। 

यो जितसँगै पिएसजी लिगको शीर्ष स्थानमा उक्लिएको छ। पिएसजीले ८ खेलमा १८ अंक जोडेको छ। पराजित बोर्डूअक्स १२ अंक जोडेर लिगको पाँचौं स्थानमा छ।