१० खेलाडीमा समेटिएको बार्सिलोनाको सजह जित

एजेन्सी- स्टार खेलाडी लियोनल मेस्सीबीनाको बार्सिलोनाले स्पेनिस ला लिगा फुटबलमा सहज जित निकालेको छ। 

शनिबार राति भएको खेलमा १० खेलाडीमा सिमित बार्सिलोनाले गेटाफेमाथी २-० को सहज जित निकालेको हो। 

बार्सिलोनाको जितका लागि लुइस स्वारेज र जुनियर फिर्पोले एक एक गोल गरे। पहिलो हाफ सकिन ४ मिनेट बाँकी रहदा स्वारेजले गोल गर्दै बार्सिलोनालाई अग्रता दिलाए। 

पहिलो हाफमा १-० को अग्रता बनाएको बर्सिलोनाका लागि दोश्रो हाफ सुरु भएको चौथो मिनेटमा नै फिर्पोले गोल गर्दै सहज जित दिलाए। 

खेलको ८२ औं मिनेटमा क्लेमेन्ट लेन्ग्लेटले दोहोरो पहेलो कार्डसहित रातो कार्ड पाएपछी बार्सिलोना १० खेलाडीमा समेटिएको थियो। 

स्टार खेलाडी मेस्सी र युवा खेलाडी अन्सु फाती चोटका कारण गेटाफेविरुद्ध मैदान उत्रेनन। यस जितसँगै बार्सिलोना ७ खेलबाट १३ अंक जोड्दै लिगको दोस्रो स्थानमा उक्लिएको छ।

पराजित गेटाफे ७ अंक जोडेर ११ औं स्थानमा छ।