पारसको अर्धशतक पुरा 

काठमाडौं- सिंगापुरसँगको जारी खेलमा कप्तान पारस खड्काले अर्धशतक पुरा गरेका छन्। 

उनले खेलको नवौं ओभरमा चौथो बलमा एक रन जोड्दै अर्धशतक पुरा गरेका हुन्। उनले २९ बलमा ३ चौका र ४ छक्का प्रहार गर्दै ५० रन जोडेर मैदानमा अविजित छन्।

उनलाई मैदानमा आरिफ सेखले साथ दिइरहेका छन्। आरिफले १७ रन जोडेर खेलिरहेका छन्।

इन्डियन एसोशियसन मैदानमा जारी खेलमा नेपालले सिंगापुरले दिएको १ सय ५२ रनको लक्ष्य पछ्याइ रहेको छ।

टस जितेर पहिले ब्याटिङ गरेको सिंगापुरले निर्धारित २० ओभरमा ३ विकेट गुमाउँदै १ सय ५१ रन जोडेको थियो।