बूढानीलकण्ठ सेमिफाइनलमा 

काठमाडौं- बूढानीलकण्ठ पाँचौं विशाल मिलन केन्द्र (बिएमके) खुल्ला पुरुष बास्केटबल प्रतियोगिताको सेमिफाइनल प्रवेश गरेको छ।

बिहीबार भएको खेलमा बूढानीलकण्ठले गोल्डेनगेटलाई ५९–५० को जित निकाल्दै सेमिफाइनल प्रवेश गरेको हो।

समूह ‘बी’ मा रहेको बिएमके समूह विजेता बन्दा पराजयका बाबजुद पनि गोल्डेनगेट समूह उपविजेताका रुपमा सेमिफाइनलमा स्थान बनाएको छ।

बूढानीलकण्ठका लागि रुपेश नापितले १६ अंक जोडे। पहिलो क्वार्टरमा बूढानीलकण्ठले १७-१४ को अग्रता लिँदा दोस्रो क्वार्टरमा गोल्डेनगेटसँग १४-१७ ले पछि पर्यो।

तर, बूढानीलकण्ठले तेस्रो क्वाटरमा १०-७ र चौथो क्वाटरमा १८-१२ ले अग्रता बनाउन्दै समग्रहमा ५९-५० को जित निकालेको हो।

अब सेमिफाइनलमा बूढानीलकण्ठको एनसीएचएस प्रतिस्पर्धा गर्ने छ भने गोल्डेनगेटले कीर्तिपुरको सामना गर्ने छ। सेमिफाइनलका खेल शुक्रबार हुनेछ।