यातायात व्यवस्था सुधार गर्न प्रधानमन्त्रीको निर्देशन

काठमाडौ– प्रधानमन्त्री केपी शर्मा ओलीले काठमाडौं उपत्यकाको यातायात व्यवस्थापन सुधारबारे एकीकृत र विस्तृत योजना ल्याउन सम्बन्धित मन्त्रालयलाई निर्देशन दिएका छन् ।

प्रधानमन्त्री तथा मन्त्रिपरिषद्को कार्यालय, सिंहदरबारमा आज लगानी बोर्डको ४० औं बैठकको अध्यक्षता गर्दै प्रधानमन्त्री ओलीले यातायात व्यवस्थापनमा  हालसम्म भएका अध्ययन, अवस्था र लगानी गर्न इच्छुकहरुको प्रस्तावसहित सुझाव दिन सम्बन्धित मन्त्रालय र निकायलाई निर्देशन दिएका हुन् ।

प्रधानमन्त्री ओलीले भने, “हामीलाई काठमाडौँ उपत्यकाको यातायात सुव्यवस्थापनमा छिटो काम गर्नुछ, मन्त्रालय र निकायले आपसमा समन्वय गर्नुपर्छ । प्रतिवेदन प्राप्त भएपछि बोर्डले थप निर्णय गर्नेछ ।”

बैठकले बाहिरी चक्रपथ परियोजना, निजगढ अन्तर्राष्ट्रिय विमानस्थलको परियोजना, पश्चिम सेती तथा एसआर ६ संयुक्त जलविद्युत पयिोजना, तल्लो अरुण जलविद्युत्ल परियोजनासम्बन्धी विभिन्न निर्णय गरेको छ ।