नेकपा सरकारको 'काण्डैकाण्ड' सार्वजनिक

काठमाडौं - प्रतिपक्षी नेपाली कांग्रेसका युवा नेता नैनसिंह महरद्वारा लिखित ‘नेकपा सरकारको काण्डै काण्ड’ पुस्तक सार्वजनिक भएको छ। सोमबार राष्ट्रिय सभागृहमा आयोजित एक समारोहमा सभापति शेरबहादुर देउवा र महामन्त्री शशांक कोइरालालगायतले पुस्तक सार्वजनिक गरेका हुन्।

नेकपा सरकार अहिलेसम्म मुछिएका घटनाहरुलाई पुस्तकमा समेटिएको छ। 

सभापति देउवाले नेकपा सरकार भ्रष्टाचारमा डुबेको र सबै निकायमा हस्तक्षेप गर्न खोजेको बताए। सुन काण्ड, बालुवाटार काण्ड, वाइडबडी काण्डलगायतका घटनाका विषयमा देउवाले चर्चा गरेका थिए। 

महामन्त्री शशांक कोइरालाले पनि सरकारको कडा आलोचना गरे। भ्रष्टाचार नियन्त्रणमा लाग्नुपर्ने सरकार आफै‌ भ्रष्टाचारमा डुबेको आरोप कोइरालाको थियो।