दसैंका लागि टिकट लिदै हुनुहुन्छ ? हेर्नुहोस्, भाडादर

काठमाडौं- दसैंमा घर जान चाहनेहरुका लागि आइतबारबाट अग्रिम टिकट बुकिङ खुल्ला भएको छ । यातायात व्यवसायीले भाडा बढाउन बार्गेनिङ गरेपनि भाडा नबढाइकन आजबाट टिकट बुकिङ खोलिएको हो । 

नयाँ बसपार्क, कलंकी, गौशलालगायतका क्षेत्रमा रहेको टिकट काउन्टरबाट टिकट विक्रि गर्न सुरु गरिएको छ । अनलाइनमार्फत पनि बसको टिकट बुकिङ गर्न सकिने व्यस्था गरिएको छ । 

अनलाइनमार्फत टिकट लिँदा भाडादर त्यहीँ लेखिएको हुन्छ । काउन्टरमा पनि भाडादर उल्लेख गरिएको हुन्छ । तर, अधिकांश यात्रु कहाँ जान कति भाडा लाग्छ भन्नेमा अन्योलमा देखिन्छन् । यहि अन्योलताको फाइदा उठाउँदै कतिपयले यात्रुलाई ठग्दै आएको समेत पाइएको छ । 

सरकारले कहाँ जान कति भाडा तोकेको छ ? त्यो टिकट लिन जानुअघि नै थाहा पाइयो भने ठगिने सम्भावना कम हुने यातायात व्यवस्था विभागका अधिकारीहरु बताउँछन् । यसैलाई मध्यनजर गरेर  विभागले प्राय सबै स्थानको भाडादर आफ्नो वेभसाइटमा राखेको छ । 

हेर्नुहोस, कहाँ जान कति लाग्छ भाडा ?