ताजिकिस्तानसँग नेपालको लज्जास्पद हार

नेपाल समय | आइतबार, पुस १६, २०७४

नेपाल समय

आइतबार, पुस १६, २०७४

काठमाडौं- जोर्डनमा जारी एएफसी यू-१६ च्याम्पियनसिप छनोट अन्तर्गत नेपालले ताजिकिस्तानसँग लज्जास्पद हार व्यहोरेको छ। शुक्रबार भएको आफ्नो तेस्रो खेलमा नेपाल ताजिकिस्तानसँग ७-० गोलको फराकिलो अन्तरले पराजित भएको हो।

खेलको पहिलो हाफमा ४-० ले पछि परेको नेपालले दोस्रो हाफमा थप ३ गोल खाएको थियो। यस जितसँगै ताजिकिस्तानले आफ्नो अपराजित यात्रा कायम राखेको छ। ताजिकिस्तानले ३ खेलबाट ९ अंक जोडेको छ। समान खेल खेलेको नेपालको दुई हार र एक बराबरीसँगै १ अंक छ।

यसअघि पहिलो खेलमा जोर्डनसँग ७-० ले पराजित भएको नेपालले आफ्नो दोस्रो खेलमा कुवेतसँग १-१ को बराबरी खेलेको थियो। छनोटको समूह 'ए' मा रहेको नेपालले अब अन्तिम खेलमा आइतबार श्रीलंकासँग खेल्नेछ।

प्रतियोगिताको शीर्ष टोलीले सन् २०२० मा आयोजना हुने च्याम्पियनसिपको दोस्रो चरणमा स्थान बनाउने छ।

प्रकाशित: Dec 31, 2017| 18:23 आइतबार, पुस १६, २०७४