७ वर्षको बोनस एकैपटक बाँड्दै प्राधिकरण

काठमाडौं - नेपाल नागरिक उड्डयन प्राधिकरणले ७ वर्षको बोनस एकैपटक बाड्ने भएको छ। प्राधिकरणले आफ्ना कर्मचारीलाई ७ आर्थिक वर्षको नाफाबाट एकैपटक एक अर्ब २६ करोड ३१ लाख रुपैयाँ बोनस बाड्ने बताएको हो।
 
प्राधिकरणले आर्थिक वर्ष २०६८/६९ देखि आर्थिक वर्ष २०७४/७५ सम्मको नाफाबाट बोनस बाँड्न लागेको बिहीबार पत्रकार सम्मेलन गरी जानकारी दिइयो।
 
प्राधिकरणका महानिर्देशक राजन पोखरलेलले संस्कृति, पर्यटन तथा नागरिक उड्डयन मन्त्रालयबाट बोनस वितरणको निर्णय स्वीकृत भएको र अन्तिम स्वीकृतीका लागि अर्थ मन्त्रालय पठाइएको जानकारी दिए। उनले सेवा प्रदायकको हैसियतले प्राधिकरणको नाफा खुलाउन लागेको जानकारी दिए।
 
प्राधिकरणले अहिले हवाइ सेवा प्रदायक कम्पनीहरुको नियमनकारी र सेवा प्रदायक दुवै भूमिका निर्वाह गर्दै आएको छ। उनले सो बोनस कम्पनीले कूल नाफाको ९० प्रतिशत रकम रहेको जानकारी दिए।