कार्भाजलको गोलमा रियल मड्रिडको जित

स्पेनिस फुटबलअन्तर्गत शीर्ष डिजिनको ला लिगामा रियल मड्रिडले शनिबार राति रियल बेटिसलाई हराएको छ।

नेपाल समय | आइतबार, भदौ १३, २०७८

नेपाल समय

आइतबार, भदौ १३, २०७८

काठमाडौं– स्पेनिस फुटबलअन्तर्गत शीर्ष डिजिनको ला लिगामा रियल मड्रिडले शनिबार राति रियल बेटिसलाई हराएको छ।

बेटिसको घरेलु मैदानमा भएको खेलमा रियल मड्रिडले १–० गोलको जित निकलोको हो।

कार्लो एन्सोलोटीको टिमको जितका लागि ड्यानी कार्भाजलले खेलको ६१औं मिनेटमा गोल गरेका थिए।

पहिलो हाफ गोलरहित बराबरी रोकिएको खेलको दोस्रो हाफमा करिम बेञ्जेमाले दिएको पासको सदुपयोग गर्दै कार्भाजलले गोल गरे।

यो जितसँगै रियलले सात अंक जोडेको छ। ला लिगामा समान ७ अंक जोड्ने चार क्लबमध्ये रियल मड्रिड शीर्षस्थानमा छ। त्यसपछि सेभिया, भ्यालेन्सिया र मायोर्का क्रमशः दोस्रो, तेस्रो र चौथो स्थानमा छ।

यता, गएरातिकै अर्को खेलमा सेभियाले एल्चेसँग बराबरी खेलेको थियो भने भ्यालेन्सियाले अलाभेसलाई ३–० गोलले हराएको थियो।

प्रकाशित: Aug 29, 2021| 08:09 आइतबार, भदौ १३, २०७८