‘प्रणयपथ’ बजारमा

काठमाडौं-  साहित्यकार बालिका थपलियाको पहिलो कविता संग्रह ‘प्रणयपथ’ बजारमा आएको छ।

कविता संग्रहमा प्रेम, राजनीति, दर्शन, युद्ध, प्राकृतिक सुन्दरता, मानवतालगायत विषयवस्तु समेटिएका सय कविता समावेश छन् । 

उनले आफनो लेखनमार्फत् जीवन जगतलाई कलात्मक रूपमा उतार्ने प्रयास गरेकी छन् । कतै उनी प्रखर क्रान्तिकारी भएर उभिएकी छन् भने कतै प्रेम, करुणाका भावमा छचल्किएकी छन् । अनि कतै प्रकृति गाथा गाइरहेकी छन् । 

कविता संग्रह ओरियन्टल पब्लिकेसनले प्रकाशित गरेको हो ।