भारतीय रक्षामन्त्री सिंह र राजदूत आचार्यबीच छलफल

काठमाडौं- भारतका लागि नेपाली राजदूत निलाम्बर आचार्य र भारतीय रक्षा मन्त्री राजनाथ सिंहबीच छलफल भएको छ।

शुक्रबार राजदूत आचार्य र रक्षामन्त्री सिंहबीच मन्त्रालयमा भेट भएको नेपाली दूतावासले जनाएको छ।

भारतीय प्रधानमन्त्री नरेन्द्र मोदीको नेपाल भ्रमण तथा संयुक्त लगानीका आयोजनाहरुको उद्घाटनका विषयमा छलफल भएको जनाइएको छ। 

भारतीय प्रधानमन्त्री मोदी नेपाल आउने चर्चा चल्दै आएको छ। संविधान दिवस अर्थात असोज ३ गतेको कार्यक्रमको प्रमुख अतिथि मोदीलाई बनाउने तयारी सरकारको थियो।

तर, भारतीय पक्षबाट अहिलेसम्म उक्त विषयमा सन्देश आइनसकेको परराष्ट्र मन्त्रालयले जनाएको छ।