घट्यो सुनको मूल्य 

काठमाडौं- लगातार उकालो लागेको सुनको मूल्यमा मंगलबार गिरावट आएको छ ।

नेपाल सुनचाँदी व्यवसायी महासंघका अनुसार मंगलबार सुनको मूल्य प्रतितोला ९ सय रूपैयाँले घटेको हो । सोमबार प्रतितोला ७३ हजार ५ सय रूपैयाँ पुगेको छापावाल सुन मंगलबार ७२ हजार ६ सय रूपैयाँमा किनबेच भइरहेको छ । 

यस्तै, तेजावी सुनको मूल्य प्रतितोला ७२ हजार ३ सय रूपैयाँमा झरेको छ । महासंघका अनुसार सोमबार तेजाबी सुन प्रतितोला ७३ हजार २ सय रूपैयाँमा किनबेच भएको थियो ।  

पछिल्लो दुई महिनामा सुनको भाउ प्रतितोला झण्डै १० हजार रूपैयाँ बढेकाे छ । बढ्दो मूल्यका कारण पुराना सुन बिक्री गर्न आउने ग्राहक बढेको र नयाँ गरगहना किन्नेको संख्या घटेको व्यवसायीले बताएका छन् । 

चाँदीको मूल्य स्थिर 

सुनको मूल्यमा गिरावट आए पनि चाँदीको मूल्य भने स्थिर छ । मंगलबार चाँदीको मूल्य प्रतितोला ८६० रूपैयाँ रहेको महासंघले जनाएको छ ।