आज श्रीकृष्ण जन्माष्टमी, यस्तो छ रौनक

काठमाडौं । हिन्दू धर्मावलम्बीले शुक्रबार श्रीकृष्ण जन्माष्टमी पर्व धुमधामसँग मनाउँदैछन् । 

यस दिन देशभरका कृष्ण मन्दिरमा भगवान् श्रीकृष्णको पूजा–आराधना र भजनकीर्तन गर्ने प्रचलन छ । 

द्वापरयुगमा भाद्रकृष्ण अष्टमीको मध्यरातमा भएकाले आजको दिनलाई ‘श्रीकृष्ण जन्माष्टमी’ र रातलाई ‘मोहरात्रि’ भनिन्छ ।

अन्याय, अत्याचार र राक्षसी प्रवृत्तिबाट सम्पूर्ण मानवको रक्षा गर्न भगवान् विष्णुको आठौँ अवतारका रूपमा जन्मनुभएका श्रीकृष्णले आजीवन सत्यको पक्षमा रही सत्कर्मका लागि मानव समुदायलाई प्रेरित गरेको जनविश्वास छ ।

पर्वकै अवसरमा ललितपुर, पाटनस्थित कृष्ण मन्दिरमा श्रद्धालुको भीड लागेको छ । 

दर्शनार्थीको सुरक्षाका लागि सो क्षेत्रमा करिब एक हजार प्रहरी र पाँच सय स्वयंसेवक खटाइएको छ ।  

राष्ट्रपति विद्यादेवी भण्डारी दिउँसो २ बजे मन्दिरमा पूजा गर्न जाने कार्यक्रम छ ।