'द्वन्द्वकालीन मुद्दा समाधानको प्रक्रिया एक सातामै'

काठमाडौं- प्रधानमन्त्री केपी शर्मा ओलीले यसैसाताबाट द्वन्द्वकालीन मुद्दा समाधानको प्रक्रिया अगाडि बढ्ने बताएका छन्।

आइतबार प्रतिनिधि सभालाई सम्बोधन गर्दै प्रधानमन्त्री ओलीले यसैसाता सत्यनिरुपण तथा मेलमिलाप आयोगको पदाधिकारी सिफारिस हुने र काम अघि बढ्ने बताएका हुन्।

‘सिफारिस आएलगतै आयोगले पूर्णता पाउनेछ। द्वन्द्वकालीन मुद्दाको समाधान हुन्छ,’ प्रधानमन्त्री ओलीले भने । 

उनले संघीयताको कार्यन्वयनमा सरकार अगाडि बढेको पनि दाबी गरे।

अन्तर प्रदेश परिषद्को बैठक निकट चाँडै हुने जानकारी दिदै प्रधानमन्त्री ओलीले वारा–पर्साका चक्रवात प्रभावितलाई भदौ दोस्रो साताभित्रै नयाँ घर हस्तान्तरण गरिने पनि बताएका थिए।