‘नेयमार विनाको पिएसजी’

एजेन्सी- फ्रान्सेली तथा पेरिस सेन्ट जर्मन (पिएसजी)का युवा स्टार खेलाडी केलिएन एमबाप्पेले ब्राजिलियन स्टार स्ट्राइकर नेयमार पेरिसमै रहनेमा विश्वस्त रहेको बताएका छन् ।

तर, नेयमार भने यस सिजनको ट्रान्सफर विन्डोज बन्द हुन् भन्दा पहिले नै स्पेनिस ला लिगा क्लब बार्सिलोना वा रियल मड्रिड जाने योजना बनाइरहेका छन् । यता पिएसजीले पनि नेयमारमको जर्सीलाई बजारमा बेच्न रोकेको छ। 

‘म नेयमारलाई पिएसजीमै रहने आग्रह गर्नेछु । तर, उनी मान्ने छन् या छैनन् । त्यो भने हेर्ने छु ।’ एमबाप्पेले भने, ‘हुन त यो विषय नेयमारको भविष्यसँग जोडिएको छ । र नेयमार विनाको पिएसजी पनि पहिले जस्तै रहने छैन् ।’ 

एमबाप्पेले प्रशिक्षक थोमस टुचेललाई संकेत गर्दै भने- यसको समाधान कस्लाई थाहा छ? जहाँ नेयमार लामो समयदेखी टोलीमा समावेश छैनन् । तर, प्रशिक्षक टुचेलले प्रतिउत्तरमा नेयमार विनाको टोली समाधान खोजीरहेको बताए । 

‘हामी वास्तविक छौ र टोलीमा नेयमार विनाको समाधन खोज्दै छौ ।’ टुचेलले भने, ‘यो असम्भव छ की टोलीमा उनी जस्तो खेलाडी पाउन । तर, उनी विना पनि पुरानै टोली  बनाउने प्रयास गर्ने छौ ।’ उनले थपे, ‘हामी उनलाई गुमाउन पनि सक्दै नौ र उनी जस्तै खेलाडी खोज्न पनि सक्दै नौ ।’