अमेरिकाको टेक्सासमा अन्धाधुन्द गोली प्रहार : २० जनाको मृत्यु

अमेरिकाको टेक्सासमा एक बन्दुकधारी समुहले अन्धाधुन्द गोली चलाउदा कम्तीमा २० जनाको मृत्यु भएको छ । २६ जना घाइते छन् ।

बीबीसीका अनुसार, अमेरिका र मेक्सिकोको सीमा नजिकैको पर्ने भिस्टा मल नजिकैको वालमार्ट स्टोरमा गोली चलेको हो ।

सीसीटीभीमा कैद भएको फुटेजमा देखिएअनुसार डार्क टिसर्टर् र इअर प्रोटेक्टर लगाएका व्यक्तिले एसल्ट राइफलमार्फत अन्धाधुन्ध गोली चलाएका छन् । यो दृष्य अमेरिकी सञ्चारमाध्यमहरूले प्रसारण गरेका छन् ।

शंकास्पद २१ वर्षीय गोरे व्यक्तिलाई प्रहरीले नियन्त्रणमा लिएको छ ।  घटनामा एक व्यक्तिले नै गोली चलाएको सुरक्षा अधिकारीले जनाएका छन् । गभर्नर ग्रेग अब्बोटले सो घटनालाई टेक्ससको इतिहासको एउटा भयानक दिन भनेका छन् ।  

सो बन्दुकधारीको बारेमा एफबीआइले अनुसन्धान गरिरहेको जनाइएको छ । उसको एउटा कागजातमा स्थानीय हिस्पानीक समुदायलाई लक्षित गरेको पाइएकोले सो बारेमा अध्ययन भइरहेको जनाइएको छ । 

आल पासो प्रहरी प्रमुख चिफ ग्रेगले स्थानीय समयअनुसार १०ः३९ बजे गोली प्रहार भएकोमा ६ मिनेट भित्रैमा त्यहाँ सुरक्षाकर्मी पुगेको जनाएका छन् । वालमार्टमा थुप्रै मानिसहरु थिए ।  

सो घटनाको बारेमा टिप्पणी गदैै अमेरिकी राष्ट्रपति डोनाल्ड ट्रम्पले घटनालाई ज्यादै खराब भन्दै धेरै जना मारिएको बताएका छन् ।