जर्गिन्होलाई युईएफए प्लेयर अफ दि इयर अवार्ड

काठमाडौं– चेल्सीका डिफेन्डर जर्गिन्होले यूईएफए प्लेयर अफ दि इयर च्याम्पियन्स लिग फुटबलको अवार्ड प्राप्त गरेका छन्।

युरोपेली फुटबलको सर्वोच्च निकाय यूईएफएले बिहीबार राति जर्गिन्होलाई अवार्ड प्रदान गरेको हो।

चेल्सीलाई च्याम्पियन्स लिग जिताउन सहयोग गर्ने उनले टिमले कान्टे र म्यानचेस्टर सिटीका केभिड डिब्रुएनालाई पछि पार्दै अवार्ड जितेका हुन्।

त्यति मात्र होइन उनले यूईइफएका सबै उपाधि जितेका छन्। इटालिदाई यूरोपियन च्याम्पियन बनाउने पनि उनको भूमिका राम्रो मानिन्छ। त्यसबाहेक उनले सुपर कप पनि जितिसकेका छन्।

साथै पुरुषतर्फ वर्ष प्रशिक्षकको अवार्ड भने चेल्सीकै मुख्य प्रशिक्षक थोमस टुचेलले जितेका छन्। त्यस्तै, फारवार्ड अफ दि सिजनको अवार्ड भने जर्मन क्लब बोरुसिया डर्टमन्डका खेलाडी इर्लिङ हाल्यान्डले जितेका छन्। महिलातर्फको वर्ष खेलाडीको अवार्ड एलेक्सिया पुटेलासले जितेकी छन् भने लुई कोर्टेस वर्ष प्रकिक्षक बनेकी छन्।