लमजुङमा बाढीले घर बगाउँदा ४ जनाको मृत्यु

लमजुङ- जिल्लाको दोर्दी गाउँपालिकामा आएको बाढीले एक घर बगाउँदा कम्तिमा ४ जनाको मृत्यु भएको छ ।

बुधबार दिउँसो स्थानीय दाेर्दी खोलामा आएको बाढीले ४ जनाको मृत्यु भएको र केही व्यक्ति बेपत्ता भएको आशंका गरिएको छ । 

लमजुङका सहायक प्रमुख जिल्ला अधिकारी अनिल कुमार शाहीका अनुसार बाढीले घर बगाएकाे समाचार आएपछि राहत तथा उद्धारका लागि प्रमुख जिल्ला अधिकारीसहितको टोली घटनास्थल तर्फ गइसकेको छ ।

त्यस्तै प्रहरी टोली पनि दोर्दी गाउँपालिकातर्फ गएको छ । घटनाकाे विस्तृत विवरण आइसकेको छैन ।

सहायक प्रमुख जिल्ला अधिकारी शाहीका अनुसार घटनास्थलमा ४ जनाको शव फेला परेको स्थानीयले खबर गरेका थिए ।