नेकपाको सचिवालय बैठक स्थगित

काठमाडौं- सत्तारुढ दल नेकपाले मंगलबारका लागि बोलाएको सचिवालय बैठक स्थगित भएको छ।

मंगलबार दिउँसो १ बजेका लागि तय गरिएको बैठक प्रधानमन्त्री एवम् नेकपा अध्यक्ष केपी शर्मा ओली र अर्का अध्यक्ष पुष्पकमल दाहाल प्रचण्डबीच सोमबार छलफलपछि स्थगित गरिएको हो।

अर्को बैठक यही साउन ९ गते दिउँसो १ बजेका लागि तय भएको छ।

मंगलबार बस्ने भनिएको बैकठमा पार्टीका विभिन्न विभागहरुको नेतृत्व चयन गर्ने एजेण्डा थियो।

विभागहरुको नेतृत्वका विषयमा पूर्व एमाले र पूर्व माओवादी पक्षबीच खिचातानीको अवस्था आएका बेला बैठक दुई दिन पर धकेलिएको हो।

खासगरी नेकपाको स्कुल विभागको नेतृत्व र संगठन विभागको नेतृत्वका विषयमा दुबै पक्षका नेताहरुले बढी रुची देखाएका छन्।