‘काउटिन्होले यस सिजन आफुलाई प्रमाणित गर्नु पर्नेछ’

एजेन्सी- स्पेनिस ला लिगा क्लब बार्सिलोनाले आफ्ना हट्रयाकिङ मिडफिल्डर फिलिप्पे काउटिन्होलाई बेच्ने चर्चा चलेको थियो । तर, पछिल्लो समय ब्राजिलियन खेलाडी कोउटिन्होलाई बार्सिलोनाले नबेच्ने जनाएको छ । 

आफ्नो घरेलु मैदानमा आयोजना भएको कोपा अमेरीकामा उत्कृष्ट प्रदर्शन गरेपछि बार्सिलोनाले उनलाई यस सिजन क्लबमै राख्ने बताएको हो । २७ वर्षीय मिडफिल्डर काउटिन्होलाई गएको सिजन खराब प्रदर्शन गरेको भन्दै बार्सिलोनाले बेच्न चाहेको चर्चा चलेको थियो । 

बार्सिलोनामा खराब प्रदर्शनपछि चर्को आलोचना खेप्दै आएका उनलाई कोपा अमेरिका पछि क्लबमै राख्ने बताएको छ । तर, उनले यस सिजन बार्सिलोनोमा आफुलाई प्रमाणित गर्नु पर्नेछ । 

किनकी काउटिन्होबाट क्लबले अट्रयाक र मिडफिल्डको नायकत्वको आसा गरेको छ । जुन पछिल्लो समय उनले गर्न सकेनन् । पछिल्लो सिजन उनले बार्सिलोनाका लागि सबै खाले ५३ खेल खेल्दै ११ गोल र २ असिस्ट गरेका थिए । 

उनलाई बार्सिलोनाले २०१७-१८ को सिजनमा लिभरपुलबाट १४५ मिलियन पाउन्डमा अनुबन्ध गरेको थियो ।