लालु यादवले पाए जमानत

काठमाडौं- भारतका चर्चित नेता एवं विहार केन्द्रित राष्ट्रिय जनता दल (राजद)का अध्यक्ष लालु यादवलाई राची उच्च अदालतले जमानत दिएको छ।

गाई बस्तुको दानामा घोटाला गरेको काण्डमा जेल परेका यादवलाई शुक्रबार जमानत दिइएको हो।

उनले पाएको सजायको आधा समय जेलमा विताएपछि जमानतका लागि निवेदन दर्ता भएको थियो। सोही आधारमा राची उच्च अदालतले उनलाई जमानत दिएको हो।

तर, यादवलाई पासपोर्ट जम्मा गर्न भनिएको छ।

सन् २०१३ मै लालुलाई दाना घोटाला काण्डमा दोषी ठहर गरिएको थियो।

भारतको पछिल्लो लोक सभाको चुनावमा लालुको पाटीले नमिठो हार ब्यहोरेको छ।