विश्वकपमा भारत पराजित भएपछि विष सेवन

काठमाडौं- बुधबार भएको विश्वकप क्रिकेटको सेमिफाइनल म्याचमा न्युजिल्याण्डसँग भारत पराजित भएपछि ओडिशाका एक युवाले विष पिएका छन्।

भारतको विश्वकप यात्रा टुंगिएपछि दुखी भएका युवाले विष पिएको भारतीय सञ्चारमाध्यमहरुले जनाएका छन्।

भारतको पराजयको केही समयपछि ओडिशाको कालाहांडीस्थित धरमगढका युवा बेहोस अवस्थामा फेला परेका थिए।

उनलाई अस्पताल लगेपछि चिकित्सकहरुले विष सेवन गरेको पुष्टी गरेका हुन्।

लगत्तै उनको उपचार सुरु भएपछि अवस्था सामान्य हुँदै गएको जनाइएको छ।