अर्जेन्टिनाको जितमा मेस्सीलाई रातो कार्ड

एजेन्सी- ब्राजिलम जारी कोपा अमेरिका अन्तरगत तेस्रो स्थानका लागि भएको खेलमा कप्तान लियोनल मेस्सीले राकार्ड पाएका छन् ।

साविककाके विजेता टोली चिलीसँग भएको खेलमा अर्जेन्टिनाले २-१ को जित निकाल्ने क्रममा रातो कार्ड पाएका हुन् । खेलको पहिलो हाफमा नै दुबै टोली १० खेलाडीमा समेटिएका थिए ।

३७ औं मिनेटमा मेस्सी र चिलीका गारी मेडेलले मैदानमा झगडा गरेपछि रेफ्रीले दुवैलाई रातो कार्ड देखाउँदै मैदान बाहिर पठाएका थिए । 

अर्जेन्टिना कोपा अमेरिकामा तेस्रो भएको छ। खेलको १२ औं मिनेटमा सर्जियो अग्युरोले गोल गर्दै अर्जेन्टिनालाई अग्रता दिलाएका थिए । २२ औं मिनेटमा पाउलो डिबलाले गोल गर्दै अर्जेन्टिनाको अग्रता दोब्बर पारे । 

खेलको ५९ औं मिनेटमा चिलीमा अर्टुरो भिदालले पेनाल्टीमा एक गोल गरे । तर, थप गोल गर्न नसक्दा साविकको विजेता चिली अर्जेन्टिनासाग २-१ ले पराजति भएको हो।