सेमिफाइनलमा कसको भिडन्त को सँग?

एजेन्सी- आइसिसी एकदिवसी विश्वकप क्रिकेटको सेमिफाइनल समिकरण पुरा भएसँगै शीर्ष चार टोलीले आफ्नो प्रतिस्पर्धी टोली पाएको छ । शनिबार भएको भारतविरुद्ध श्रीलंका र अष्ट्रेलियाविरुद्ध दक्षिण अफ्रीकाको खेल समाम्तिसँगै शीर्ष चार टोलीले आ-आफ्नो सेमिफाइनल सतिस्पर्धी टोली पाएका हुन् ।  

शनिबार भएको खेलमा भारतले श्रीलंकालाई पराजति गरेसँगै भारत अंक तालिकाको शीर्ष स्थानमा उक्लिएको छ । यता दोस्रो खेलमा अष्ट्रेलिया र दक्षिण अफ्रिकासँग पराजित भएकामे छ । अन्तिम लिग खेलमा अष्ट्रेलिया दक्षिण अफ्रिकासँग १० रनले पराजित भयो । भारतले श्रीलंकालाई ७ विकेटले पराजित गर्यो । 

जारी विश्वकपको अंक तालिकामा भारत शीर्ष, अष्ट्रेलिया दोस्रो, इंग्ल्याण्ड तेस्रो र न्युजिल्याण्ड चौंथो स्थानमा रहेका छन् । अब सेमिफाइनलमा भारतले न्युजिल्यान्ड र अष्ट्रेलियाले इंग्ल्यान्डोको सामना गर्ने छन् । 

भारत र न्युजिल्यान्डबीचको पहिलो सेमिफाइनल खेल जुलाई ९ तारीखमा हुने छ । त्यस्तै अष्ट्रेलिया र इंग्ल्याण्डबीचको दोस्रो सेमिफाइनल खेल जुलाई ११ तारीख हुने छ ।  दुई सेमिफाइनलका विजेता टोलीले जुलाई १४ मा उपाधिका लागि प्रतिस्पर्धा गर्नेछन् ।