धोनीको सन्यास अन्यौल

एजेन्सी- भारतीय क्रिकेट टिमका पूर्व कप्तान महेन्द्र सिंह धोनीको सन्यासको बारेमा पछिल्लो चर्चा चलेको छ । चर्चा छ की धोनीले जारी विश्वकप पछि अन्तर्राष्ट्रिय क्रिकेटबाट सन्यास लिने छन् । 
हाल धोनीको यो चर्चा पनि छ की, उनको ब्याटिङ यस विश्वकपमा सोचे अनुसार चलेका छैन् । त्यसैले पनि उनी विश्वकप पछि अन्तर्राष्ट्रिय क्रिकेटबाट सन्यास लिने बताइएकोछ । 

लगातार आइरहेको उनको सन्यासको खबरकाबीच धोनीले मुख खोलेका छन् । ‘मलाई थाह छैन की, म कहिले सन्यास लिनेछु । तर, धेरै यस्ता व्यक्ति छन् जो आजै सन्यास लियोस् भन्ने चाहन्छन्,’ धोनीले बताए । 

यता भारतीय क्रिकेट कोर्डका एक अधिकारीले पनि धोनीको सन्यासको बारेमा कसैलाई थाहा नभएको बताएका छन् । तर, बिसिसिआईका अनुसार धोनीले यस विश्वकप पछि खेल्ने सम्भावना कम भएका बताएका छन् । 

उनले क्रिकेटका तीन वटै विधाबाट कप्तानी एक्कासी छोडेका थिए । त्यस्तै यस विषयमा पनि धोनीको भविष्यवाणी गर्न नमिल्ने बिसिसिआई स्रोतले जनाएको छ । धोनीले यस विश्वकपका ७ खेलमा ४४.६० को औसतमा कुल २२३ रन जोडेका छन् । 

जसमा एक अर्धशतक समावेश छ । अफगानिस्तान र इंग्ल्यान्डविरुद्धको खेलमा उनको सुस्त गतिको ब्याटिङले धोनी आलोचित समेत भएका थिए । अफगानिस्तानविरुद्ध धोनी ५२ बलमा मात्र २८ रन जोडेका थिए भने इग्ल्यान्डविरुद्धको खेलका ३१ बलमा ४२ रन जोडेका थिए ।