वेस्टइन्डिजको सुखद अन्त्य

एजेन्सी-आइसिसी एकदिवसीय विश्वकप क्रिकेट अन्तरगत आफ्नो लिगको अन्तिम खेलमा अफगानिस्तान पारजति गर्दै वेस्टइन्डिजले सुखद अन्त्य गरेको छ । बिहीबार भएको खेलमा अफगानिस्तानलाई २३ रनले पराजति गर्दै वेस्टइन्डिजले सुखद अन्त्य गरेको हो ।

वेस्टइयनिडजले दिएको ३ सय १२ रनको लक्ष्य पछ्याएको अफगानिस्तानले ५० ओभरमा सबै विकेट गुमाउँदै मात्र २ सुय ८८ रन मात्र बनाउन सक्यो । अफगानिस्तानका लागि इक्राम अलिखिल र रहमत साहले अर्धशतकीय पारी खेले पनि टोलीको जितका लागि प्रयाप्त हुन सकेन् । 

इक्रमाले ९३ बलमा ८ चौका प्रहार गर्दै ८६ रनको अर्धशतकीय पारी खेलेका हुन् । त्यस्तै रहमतले ७८ बलमा १० चौका प्रहार गर्दै ६२ रन जोडे । अस्घर अफगानले ३२ बलमा ४ चौका र १ छक्का प्रहार गर्दै ४०, नाजिबउल्लाह जड्रानले ३८ बलमा १ चौका  र १ छक्का सहित ३१ रन जोड्दा सायेद शिर्जादले २५ रन जोडे । 

वेष्ट इण्डिजका लागि कार्लोस ब्रैथवेटले ४ तथा केमार रोकले ३ विकेट लिए । त्यस्तै ओशाने थोमस र क्रिस गेलले एक एक विकेट लिए । 

यसअघी टस जितेर पहिले ब्याटिङ गर्ने निर्णय गरेको वेस्टइन्डिजले निर्धारित ५० ओभरमा ६ विकेट गुमाउँदै ३ सय ११ रन जोडेको थियो। खराब सुरुवात गरेको वेस्टइन्डिजका लागि इभिन लेविज र साई होपले दोस्रो विकेटका लागि ८८ रनको साझेदारी गरेका थिए । 

विकेटकीपर होपले ७७ रनको अर्धशतकीय पारी खेले । उनले ९२ बलमा ६ चौका र २ छक्काको मद्दतमा ७७ रनको अर्धशतकीय पारी खेलेका हुन् । त्यस्तै लेविजले ७८ बलमा ६ चौका र २ छक्का प्रहार गर्दै ५८ रनको अर्धशतकीय पारी खेलेका थिए । 

पहिलो विकेटका रुपमा क्रिस गेललाई छैठौं ओभरमा २१ रन पुग्दा गुमाएको वेस्टइन्डिजले दोस्रो विकेटको रुपमा लेविजलाई २५ औं ओभरमा १०९ स्कोर पुग्दा गुकाएको थियो । 

त्यसपछि तेस्रो विकेटको रुपमा ३१ बलमा ३ चौका र २ छक्का प्रहार गर्दै ३९ रनमा खेली रहेका शिमरन हेटमायर दवालत जाड्रनको बलमा पेभिलियन फर्किए । निकोलसले अर्धशतकीय पारी खेले । उनले ४३ बलमा ६ चौका र १ छक्का प्रहार गर्दै ५८ रन जोडे ।

जोसन होल्डरले ३४ बलमा १ चौका र ४ छक्का प्रहार गर्दै ४५ रन जोडे । कार्लोस ब्रेथवेटे १४ रनमा अविजित रहे । अफगानिस्तानका लागि दवालत जाड्रनले दुई विकेट लिए । त्यस्तै सायेद शिर्जाद, मोहम्मद नाइब र राशिद खानले एक एक विकेट लिए ।